換車

家庭多咗一個成員, 真係一濶三大, 換樓之後就係換車, 現有的「四門五座位房車」如果放下兩張carseats後, 後排就再坐不下一個成年人, 但係兩個小朋友又好需要有大人喺身邊照顧, 所以都同大部份香港家庭一樣, 要轉投七/八人車的行列.

最基本要求是:
1) 不要太狹窄 - 所以可以刪走Stream、Wish、Mazda5這級別
2) 要有趟門 - 靚仔的Odyssey再見

個人喜歡的品牌是Honda, 所以之前一直都以Stepwgn為當然首選, 知道適逢Stepwgn快要轉款, 諗住剛好可以購入新款, 不料……

這個就是日本已經剛開始發售的第四代新Stepwgn, 個樣真係「反樸歸真」, 時光倒流十年以上, 唔掂! 就算室內空間大增、特大天幕、第三排座椅可以摺疊收藏地下…都係唔好攪我!

於是那那臨走去代理度睇下今代Stepwgn仲有幾多貨, 點知真係廖廖可數, 我心儀的2.4spada已賣清, 2.0就只剩下一兩隻顏色可揀.

其他的選擇, Toyota Noah和Nissan Serena個樣同新Stepwgn真係有得揮, 老土古怪到不能接受. 上一級的Toyota Previa樣子都幾好(雖然facelift前其實靚啲), 設備齊全, 但只係4AT波箱, 車內啲淺色桃木又係非常老土, 而且價錢實在太貴!

再數下去, 就只剩下Mazda. 近年Honda路線越來越保守, 反而Mazda的設計有點以前Honda的影子, 年輕有新意得多, Mazda8在眾多MPV車中係最靚仔的車款之一, 睇過後好鐘意, 難怪喺街上面都見到好多, 缺點係中排主要是sell兩張舒適的獨立座椅, 真的要坐三個人就會比較迫, 而真皮座椅也只有淺色, 頭頂空間也沒有高身的Stepwgn闊大.

在Stepwgn和Mazda8中取捨, 價錢大致差不多, Mazda8畧貴, 但Mazda8的設備多Stepwgn一條街: 十個空全氣袋、 原廠皮座、 Keyless、 電控駕駛席、 電控尾箱門、 HID自動開關頭燈、 +/-控制波箱、 EBD.

結果: Mazda8勝!

今次也大膽地揀了白色!

快要跟駕駛了接近四年的座駕say bye bye了, 其實仍然很喜歡, 有點不捨得, 將來最令我懷念的一定是這個標板設計.

是福?是禍?

成為精選blog, 起初都好開心, 但後來發覺, 惹來了大量的廣告和灌水留言, 不但浪費我的時間去看和減慢了load個blog的速度, 也令我很容易看漏了有心真正想查詢要裝修的人, 在此向這些有心人say sorry, 希望你們不要介意, 也想同大家講, 我始終不是裝修師傅也不是設計師, 我只能以我的經驗和在當中學到的去回答查詢, 當中也許會有錯漏, 也有些其實唔識答.